Өнгөрөгч жилүүдэд БНХАУ-д тусгай хэрэгцээт боловсрол эзэмших сурагчдын тоо илтээр өсжээ. Улмаар тус улсын Боловсролын яамнаас мэдээлснээр, 2015 оны байдлаар нийт 440 мянган сурагч тусгай хэрэгцээт боловсрол эзэмшихээр суралцаж байсан бол, 2020 онд тус тоон үзүүлэлт 2 дахин өссөн байна.
Тийнхүү хөгжлийн бэрхшээлтэй хүүхдүүд насан туршийн боловсрол эзэмших нь 95 хувийн үзүүлэлттэй гарсан юм.
Мөн боловсролын хүртээмжтэй байдлын хүрээнд хөгжлийн бэрхшээлтэй сурагчид ердийн сургуульд сурах нь ихэссэн бөгөөд 2015 онд 239 мянган хөгжлийн бэрхшээлтэй сурагч ердийн сургуульд сурч байсан бол 2020 онд 439 мянган сурагч буюу ойролцоогоор хоёр дахин өссөн үзүүлэлттэй байжээ.
Түүнчлэн тусгай хэрэгцээт сурагчдад багшлах мэргэшсэн хүмүүсийн тоо ч 31.6 хувиар өссөн байна.
Эх сурвалж: Xinhua