Энэтхэг улсын засгийн газраас гаргасан коронавирусээр амиа алдсан тохиолдол нэг бүрийг 50 мянган рупигаар тооцож, ар гэрийнхэнд нь нөхөн төлбөр олгох тухай шийдвэрийг Дээд шүүхээс баталжээ.

Тодруулбал, Энэтхэг улсын гамшгийн менежментийн хуулийн хүрээнд хуульчид нөхөн төлбөр олгох тухайд хүсэлт гаргасан бөгөөд түүнийг нь Дээд шүүхээс зөвшөөрсөн байна.

Одоогийн байдлаар Энэтхэг улсад коронавирусийн улмаас нийт 447 мянган хүн амиа алдсан гэсэн тоо байгаа юм. Гэсэн ч мэргэжилтнүүдийн зүгээс бодит тоо 10 дахин их байна гэж тооцож байгаа гэжээ. Учир нь урьд жилүүдтэй харьцуулахад энэ жил маш олон хүн амиа алдсан юм.

Тэгвэл даваа гарагт Хууль зүйн сайд М.Р.Шахын мэдээлснээр амиа алдагсдын үр хүүхдүүдэд тухайн нөхөн төлбөрийг олгох гэнэ. Тийнхүү хэрэв ойр дотных нь хүн коронавирусээр халдварлаж, амиа алдсан бол гэр бүлийн гишүүд “коронавирусийн улмаас амиа алдсан нь үнэн болно” гэсэн баримт бичиг бүрдүүлж өгснөөс хойш 30 хоногийн дотор нөхөн төлбөрийг олгохоор журамлажээ. Харин нөхөн төлбөрийн санхүүжилтийг засгийн газраас гаргах юм.

Эх сурвалж: BBC