Австрали улсын ерөнхий сайдын мягмар гарагт хилээ ямар шат дараатай цуцлахаа танилцуулах үеэрээ ирэх оныг хүртэл жуулчин хүлээж авахгүйгээ мэдэгджээ.
Тус улсын хувьд цар тахлын хариу арга хэмжээ болгож дэлхийн өөр ямар ч улс тогтоогоогүй хилийн хатуу хориг тогтоож, түүнийгээ маш удаан хугацаанд хэрэгжүүлсэн юм.
Тэгвэл ерөнхий сайд Скотт Моррисоны зүгээс 16-аас дээш насны ард иргэдийнх нь 80 хувь вакциндаа бүрэн хамрагдсан тохиолдолд хилээ нээнэ хэмээжээ.
Тухайн мэдэгдлийг хийхээс хэд хоногийн өмнө Моррисон вакциндаа хамрагдсан, байнгын оршин суугч нараа 11 дүгээр сараас эхлэн гадаад улс орон руу явахыг зөвшөөрөх болсноо дуулгаж байсан юм. Тийнхүү өнгөрөгч оны гуравдугаар сараас хойш хил давах эрхгүй болоод байсан ард иргэд хүсвэл гадаад улсыг зорьж болохоор болжээ.
Түүнчлэн хил нээсний дараа ч жуулчид хүлээн авахыг урьтал болголгүй мэргэшсэн цагаач, олон улсын оюутнуудыг нэвтрүүлэх арга хэмжээ авах гэнэ. Улмаар жуулчдыг ирэх оноос нааш нэвтрүүлэхгүй ажээ.
Эх сурвалж: AP News