Олон улсын түвшинд БНСУ кино уран бүтээл, дуу хуураараа хэдийнээ өөрийн гэсэн байр суурийг бий болгосон. Тэгвэл өмнөд Солонгос улсын нөлөөлөл Оксфордын толь бичигт ч хүрчээ.

Англи хэлний хамгийн бодит толь бичиг гэгддэг Оксфордын тайлбар толинд тийнхүү 26 солонгос үг нэмэгдсэн байна.

Үгсийн ихэнх нь хоол хүнстэй холбоотойгоос панчан, булгоги, кимбаб, мүкбан зэрэг үгс орсон юм.

Харин үүнийг Squid Game, Parasite зэрэг алдартай кино уран бүтээл болон BTS, Blackpink зэрэг хамтлаг дуучдын амжилттай холбон тайлбарлах хүмүүс их байгаа ажээ. Улмаар сүүлийн 10 жилийн хугацаанд кпоп урсгал хүч түрэн орж ирж, Солонгосын олон ангит киног хүлээн авч үзэх нь ихэссэн тул ийнхүү соёлоор дамжуулан даяаршиж, олон улсын түвшинд өөрийн улсаа сурталчилж байна гэж үзсэн юм.

Эх сурвалж: BBC