Боксийн тулаанч, домогт тамирчин Мухаммад Алигийн зурсан зургийн цуглуулга дуудлага худалдаагаар 1 сая орчим ам.долларын үнээр худалдаалагджээ.

Цуглуулга нийт 26 зургаас бүрдэх юм. Тийнхүү дуудлага худалдаа Нью Йорк хотод байх Бонхамын дуудлага худалдааны байранд зохион байгуулсан байна.

Тэрээр 2016 онд 74 насандаа нас барсан ч ийнхүү түүний алдар хүнд өдийг хүртэл дуурсагдаж байгаа билээ. Түүний зурсан “Зөгий шиг хатга” гэх зураг олны анхаарлыг ихээр татаж, 425 мянган ам.доллароор худалдаалагдаж, анх тооцсон үнээс даруй 10 дахин өндөр үнээр борлуулагджээ. Мухаммад заримдаа өөрийн тулааны хэв маягийг яг л эрвээхий шиг хөвж, зөгий шиг хатгах гэж тодорхойлдог байсан гэнэ.

Мухаммад Алиг боксын спортын домог, тэмцэгч, шүлэгч гэдгээр нь мэдэх ч зураг зурдаг тухайд мэдэх хүн ховор юм.

Цуглуулгын эхний гурван зургийг Мухаммад Али 1977 онд Бостонд хийсэн тулааныхаа дараа найз Рони Хилтонд зурж өгч байжээ.

Эх сурвалж: BBC