Дэлхийн Эрүүл Мэндийн Байгууллагын зүгээс дэлхийн хамгийн анхны хумхаа өвчний эсрэг вакциныг баталлаа.
Тус байгууллагаас зохион байгуулсан хэвлэлийн бага хурлын үеэр Америкийн GlaxoSmithKline эмийн компаниас боловсруулсан хумхаа өвчний эсрэг “Mosquirix” вакциныг хэрэглээнд нэвтрүүлэхийг зөвшөөрч байгаагаа зарлаж тус вакциныг өргөнөөр ашиглахыг зөвлөжээ.
ДЭМБ-ын Ерөнхий захирал Тедрос Адханом Гебрейюс хэлэхдээ “Энэ бол түүхэн өдөр юм” гээд “хумхаа өвчний эсрэг бид энэхүү вакцин болоод өдийг хүртэл ашиглаж ирсэн бусад тоног төхөөрөмж, багаж хэрэгслийн тусламжтайгаар жил бүр хэдэн арван мянган хүүхэд, залуучуудын амь насыг аврах боломжтой болох юм” гэж онцлов.
Энэхүү шийдвэрийг ДЭМБ-аас 2019 оноос хойш хэрэгжүүлж буй хумхаа өвчний эсрэг вакцинжуулалтын туршилтын төслийн үр дүнд үндэслэн гаргасан бөгөөд Гана, Кени, Малави гэсэн гурван улсын 800,000 иргэдийн хамруулжээ.
Шумуулаар дамжин халдварладаг хумхаа өвчний улмаас жил бүр дэлхий даяар 400,000 гаруй хүн нас бардаг бөгөөд ихэнх нь Африк тивд тохиолддог аж.
Эх сурвалж: YTN