Вьетнам улсын засгийн газар энэ оны арван хоёрдугаар сараас эхлэн аялал жуулчлалын гол цэгүүдээ нээхээр төлөвлөөд байгаа бөгөөд ирэх оны зургадугаар сар гэхэд хилээ бүрэн нээхээр товложээ. Гэхдээ хилээр орж ирэх жуулчид вакциндаа бүрэн хамрагдсан байх ёстой гэнэ.
Тус улсын хувьд цар тахал эхлэхтэй зэрэгцэн хилээр орж ирэх хүмүүст маш чанга шаардлага тавих болж, аялал жуулчлалын салбар нь бусад улсын адилаар ихээхэн алдагдал хүлээсэн юм.
Гэвч улс орнууд коронавирустэй дасан зохицож амьдрахаар шийдэн, хөрш Тайланд улс нь ч хилээ нээх болсонтой холбогдуулан Вьетнам улсын засгийн газраас ирэх арван хоёрдугаар сард тодорхой хэдэн цэгт жуулчид хүлээн авах төлөвлөгөөг боловсруулжээ. Одоогоор тухайн төлөвлөгөөний хүрээнд жуулчдад вакцинаас өөр ямар шаардлага тавих нь тодорхойгүй байгаа юм.
Вьетнам улсын хувьд 2019 онд нийт 18 сая хүн хилээр нэвтрүүлж байсан бол энэ онд ердөө 3.8 сая хүн л тус улсын хилээр орсон байна. Засгийн газрын зүгээс хилээ ямар ч аюулгүй болсон үед нээнэ хэмээж байгаа боловч одоогийн байдлаар 98 сая хүн амтай улсын дөнгөж 13 хувь нь вакциндаа бүрэн хамрагдсан байгаа ажээ.
Эх сурвалж: CNN