Ерөнхийлөгч Владимир Путиний Афганистан улс дахь элч Замир Кабулов ОХУ Афганистанд хүмүүнлэгийн тусламж үзүүлэх болсныг хэлжээ. Одоогоор хүмүүнлэгийн тусламжид юу багтахыг шийдээгүй байгаа юм.
Түүний хэлснээр, “Одоогоор энэ тухайд хэлэлцэж байгаа. Хүмүүнлэгийн тусламжийн хүрээнд хэд хэдэн алба оролцох болсон. Эцсийн шийдвэр гарсан хойно тухайн албууд тусламжийн бүтээгдэхүүнүүдээ цуглуулж, нэгтгээд илгээнэ” хэмээжээ.
Афганистан улс наймдугаар сарын 15-нд Талибан бүлэглэлд эзлэгдсэнээс хойш тус улсын нөхцөл байдал улам дордсон юм. Тийнхүү ард иргэдийн амьдралын чанар муудаж, өлсгөлөнд нэрвэгдэх хүүхдүүдийн тоо ч өсөх болжээ. Улмаар ОХУ-ын хүмүүнлэгийн тусламж тэдгээр ард иргэдэд чиглэх юм.
Эх сурвалж: ТАСС