Арван зургадугаар зуунаас улбаатай, Самсон, Делила нарын библид гардаг үлгэрийг дүрсэлсэн “маш ховор” төрлийн керамик таваг дуудлага худалдаагаар 1.7 сая ам.долларын үнэ хүрчээ.
27 см диаметр бүхий тус тавгийг 1520-1523 оны үед Никола да Урбино гэх хүн урласан гэж үзэж байгаа бөгөөд Итали гаралтай энэхүү шаазан эдлэлийг шавраар бүтээж, шаазангийн будгаар будаад цагаан тугалгаар нимгэн гэгч бүрсэн ажээ.
Улмаар дуудлага худалдааг зохион байгуулагчдын зүгээс тавгийг 109,000-163,000 ам.долларын үнэ хүрнэ гэж тооцож байсан бол лхагва гарагт болсон дуудлага худалдааны үеэр тухайн тооцоо 10 дахин үржигдсэн байна.
Никола да Урбино гэсэн гарын үсэг бүхий тус тавгийг урласан хүнийг Никола ди Габриэлэ Сбраге гэж таамаглаж байгаа бөгөөд тэрээр арван зургадугаар зууны Италийн майолик урлалын гол төлөөлөл юм. Тавгийг олоход ихэд нандигнаж боогоод шүүгээнд хийж хадгалсан байжээ.
Эх сурвалж: CNN