Шүхэрчдийн зорчиж явсан жижиг оврын онгоц Оросын төв хэсэгт орших Бүгд Найрамдах Татарстан улсад осолдож, 16 хүн амиа алдсан тухай 10-ны өдөр Ройтерс агентлаг мэдээлэв.
Бүгд Найрамдах Татарстан Улсын Мензелинск хотын ойролцоо осолдсон тус онгоцонд 20 шүхэрчин болон багийн хоёр гишүүний хамт 22 зорчигч явжээ. Одоогийн байдлаар ослын улмаас 16 хүн нас барж, үлдсэн 6 хүн нь эмнэлэгт хүргэгдсэн боловч тэдний биеийн байдал хүнд байгаа гэж мэдээлэв.
Урьдчилсан байдлаар хөдөлгүүрийн эвдрэлээс болж осол гарсан гэж үзэж байгаа ба аврах албаны ажилтан "Онгоц хөөрснийхөө дараахан буюу нисэх онгоцны буудлаас 1 км орчим зайд осолдсон" гэжээ.
Эх сурвалж: JoongAng