Тайвань улсын ерөнхийлөгч Цай Ин-вен тус улсын тусгаар тогтнолд заналхийлсэн хурцадмал байдлыг эсэргүүцэхдээ, “Тайвань улс Хятадаас ирэх дарамт шахалтыг хүлээн зөвшөөрөхгүй бөгөөд өөрийн улсын ардчилсан байдлыг хамгаалах болно” хэмээжээ.

Түүний ингэж хэлэх болсон шалтгаан нь БНХАУ-ын ерөнхийлөгч Ши Жиньпин Тайванийн үндэсний өдөр болохоос хэдхэн хоногийн өмнө тус улсыг Хятад улсад бүрэн нэгтгэнэ хэмээн тангараг өргөсөн юм.

Улмаар Цай Ин-вений мэдэгдлийг Хятад улсын зүгээс өдөөн хатгасан үйлдэл хэмээн буруушааж байгаагаа илэрхийлсэн байна. Түүнчлэн Тайванийг өөртөө бүрэн нэгтгэхийн тулд хүч хэрэглэхийг ч үгүйсгээгүй ажээ.

Тайвань улсын хувьд өөрийгөө тус тогтносон улс гэж хардаг бол БНХАУ Тайванийг ердөө л алслагдмал аймаг гэж үздэг юм.

БНХАУ-ын зүгээс Тайвань улсыг өдөөн хатгасан үйлдэл ойр ойр хийх болсон бөгөөд аравдугаар сар гарснаас хойш 150 гаруй нисэх онгоцыг Тайванийн агаарын довтолгооноос хамгаалах бүсэд нэвтрүүлсэн байна. Хамгийн сүүлд гэхэд л өнгөрсөн ням гарагт Хятадын байлдааны хоёр онгоц тус бүсэд нэвтэрсэн юм.

Цай Ин-вений хэлж байгаагаар, “Тайвань улс хэдий их амжилттай байна, төдий чинээ Хятад улсаас ирэх дарамт шахалт их байх болно” гэнэ.

Түүний дээрх мэдэгдлийн дараагаар Тайванийн байлдааны хоёр онгоц нисэн өнгөрчээ.

Эх сурвалж: BBC