Өнгөрсөн долоо хоногт Энэтхэг улсын засгийн газраас коронавирусийн улмаас амиа алдсан хүмүүсийн гэр бүл, төрөл төрөгсдөд хүний 50 мянган рупи өгөх хөтөлбөрийг танилцуулсан билээ.
Нөхөн төлбөрийн дүн нь дийлэнх энэтхэгчүүдийн жилийн орлогоос даруй хоёр дахин их юм. Улмаар асран хамгаалагч, тэжээгчээ алдсан хүмүүсийн хувьд энэхүү нөхөн төлбөр үнэхээр их тус хүргэх ч нийтлэг нэг асуудал олны санааг зовоож байгаа ажээ. Тэр нь коронавирусийн улмаас амиа алдсан гэдэг баталгаа юм.
Энэтхэг улсын хувьд өнгөрөгч хавар коронавирусийн цар тахлын хоёр дахь давлагаанаас үүдэн олон мянган хүний амь эрстсэн бөгөөд ихэнх нь эмнэлгийн тусламж авч чадалгүй, коронавирус илрүүлэх шинжилгээ ч өгч чадалгүй амиа алдсан ажээ.
Засгийн газрын зүгээс амиа алдсан хүмүүсийн тоо 450 мянган давна гэж тооцоод байгаа ч мэргэжилтнүүд тус тоо хэд дахин нугарч болохыг сануулсан байна. Тиймээс тус хөтөлбөрийг хэрэгжүүлэгчдийн зүгээс ямар нөхцөлд, ямар нотлох баримттайгаар тус нөхөн төлбөрийг олгохоо дахин нэг эргэж харах шаардлага үүсээд байгаа гэнэ.
Эх сурвалж: CNN