Уолл Стрит Журнал сонины орон нутгийн цагаар 10-ны өдөр нийтэлснээр эрчим хүчний үнэ, тэр дундаа газрын тосны үнэ нэмэгдэж буй нь АНУ-ын эдийн засагт аюул учруулж байна гэжээ.
Нью-Йоркийн бирж дээр арилжаалагддаг West Texas Intermediate маркийн түүхий нефтийн үнэ энэ онд 64%-иар өсч, нэг баррель нь 2014 оноос хойш анх удаа 80 долларыг давлаа.
Түүнчлэн байгалийн хийн үнэ зургаан сарын дотор хоёр дахин өссөний дээр энэ жил халаалтын тос ч мөн 68%-иар өссөн байна.
Эрчим хүчний үнийн өсөлтөөс шалтгаалан ирэх онд АНУ-ын өсөлт 3.5% -иас 1.5% хүртэл буурна гэж Финляндын Нордиа банкны шинжээч Андреас Ларсен таамаглаж байгаа аж. Мөн түүнчлэн хэрэв эрчим хүчний үнэ 40%-иар нэмэгдэх юм бол зөвхөн АНУ-аар тогтохгүй дэлхийн эдийн засгийн байдал уналтад орно гэж тэрээр дүгнэжээ.
Эх сурвалж: MBC