Австри улсын канцлер асан Себастьян Курц авлигын хэрэгт холбогдсоны улмаас суудлаасаа бууж байгааг бид мэдээлсэн. Тэгвэл даваа гарагт түүний орыг залгах шинэ канцлерыг томилжээ.

Өмнө нь гадаад хэргийн сайдаар ажиллаж асан шинэ канцлерыг Александр Шалленберг гэдэг бөгөөд өдгөө 52 настай тэрээр карьерын дипломатч мэргэжилтэй. Тэрээр өмнөх канцлер Себастьян Курцтай ойр холбоотой нэгэн ажээ. Тийнхүү шинэхэн канцлер даваа гарагт Вена хотын Хофбург ордонд Ерөнхийлөгч Александр Фан дер Белленд тангараг өргөсөн байна.

Харин Себастьян Курцын хувьд Австри ардын намын дарга хэвээр ажиллах бөгөөд Австрийн засгийн газрын гишүүн хэвээр байх гэнэ.

Улмаар Александр Шалленбергийг канцлераар томилох нь Курц засгийн эрхэнд нөлөөллөө хадгалан үлдэж буй хэрэг гэж үзэх хүн олон байгаа ажээ.

Эх сурвалж: CNN