Афганистан улсын Кандахарт байрлах Шиа урсгалын сүмд бөмбөг дэлбэрч, 16 хүн амиа алдаж, 32 хүн гэмтжээ. Цахим орчинд тарсан зургуудаас үзэхэд сүмийн цонхнууд хагарсан, шархадсан гэмтсэн хүмүүс газар хэвтсэн байх юм.
Одоогоор дэлбэрэлтийн шалтгаан тодорхойгүй байгаа ч амиа золиослогч бөмбөг дэлбэлсэн гэж таамаглаж байгаа ажээ.
Шархадсан хүмүүсийг харьяа дүүргийн Мирвайс эмнэлэгт хүргэсэн байна.
Харин BBC агентлагийн Афганистан дахь мэдээлэгч Секундер Керманигийн хэлснээр дэлбэрэлтийн ард Исламын улсын бүлэглэл байх магадлал өндөр гэнэ. Өнгөрсөн баасан гарагт үүнтэй төстэй хэрэг гарч 50 хүн амиа алдсан юм. Улмаар тус хэрэг нь наймдугаар сард АНУ-ын цэргүүд Афганистаны нутаг дэвсгэрээс гарснаас хойш гарсан хамгийн хохиролтой алан хядах ажиллагаагаар бүртгэгджээ.
Эх сурвалж: BBC