Орон нутгийн цагаар 16-ны өдрийн 16:18 цагийн орчимд Индонез улсын Бали арал дээр 4.8 магнитудын хүчтэй газар хөдлөлт болжээ. Эхний хөдлөлтийн дараа дахин 4.3 болон 3.6 магнитудын хүчтэй газар хөдлөлт болсон байна.
Газар хөдлөлтийн улмаас хөрсний нуралт үүсч, гэр байшин, сүм хийд нуран гурван хүн, түүний дотор гурван настай охин амиа алдаж, долоон хүн шархадсан гэж орон нутгийн аврах албаныхан мэдээлэв.
Үзэсгэлэнт нуураараа алдартай Труниан, Квинтамани зэрэг тосгонууд мөн өртсөн бөгөөд зарим тосгон зам хаагдсны улмаас тусгаарлагдсан гэж мэдэгджээ.
Бали арал нь цар тахал дэгдсэнээс хойш нэг жил гаруйн хугацаанд гадаадын жуулчдад хилээ хаагаад байсан юм. Харин энэ сарын 14-ний өдрөөс зарим орны жуулчдад дахин үүд хаалгаа нээгээд удаагүй байсан юм.
Эх сурвалж: Yonhap