Орон нутгийн цагаар 14-ний өдөр Клинтоны хэвлэлийн төлөөлөгч Анжел Урена мэдэгдэхдээ, "Ерөнхийлөгч асан Клинтон 12-ны орой цусны халдвар буюу сепсисийн шинж тэмдэгтэй эмнэлэгт хэвтсэн" гэжээ. Тэрээр үргэлжлүүлэн "Сепсисийн шинж тэмдэг нь Ковид-19 цар тахалтай ямар нэгэн холбоогүй" гээд “Одоогоор түүний биеийн байдал дээрдэж байгаа бөгөөд ухаан санаа нь эрүүл байгаа” хэмээн онцлов.
Эмнэлгийн зүгээс ч мөн өдөр хийсэн мэдэгдэлдээ "Бид өвчтөний биеийн байдлыг сайтар хянаж байгаа, одоогоор антибиотик эмчилгээ хийлгэж байна” гэжээ. “Бид хурдан арга хэмжээ авахын тулд ерөнхийлөгч асан Клинтоныг сэхээн амьдруулах тасагт хэвтүүлсэн бөгөөд амьсгалын аппарат ашиглах шаардлага гараагүй” гэж мөн мэдэгдэлд дурджээ.
АНУ-ын 42 дахь Ерөнхийлөгч Билл Клинтон нь 1993-2001 оны хооронд уг нэр хүндтэй албыг хашиж байсан бөгөөд тус улсын түүхэн дэх хамгийн урт хугацааны эдийн засгийн өсөлтийг авчирсан гэж сайшаагдаж байсан хэдий ч 1998 онд Цагаан ордонд дадлагажигчаар ажиллаж байсан Моника Левинскитэй амрагийн харицаатай болсон нь илчлэгдсэн дуулианы дараа түүний нэр хүнд ихээхэн унасан юм.
Эх сурвалж: Edaily