Португали, Испанийн алба хаагчид дарвуулт онгоцоор 5.2 тонн кокаин тээвэрлэж явсан хэргийг илрүүлжээ.
Хэргийн хүрээнд тэд мансууруулах бодисыг хураан авч, гурван сэжигтнийг баривчилсан байна. Улмаар энэ нь Португали улсын хувьд сүүлийн 15 жилд хураасан хамгийн их мансууруулах бодисын хэргээр бүртгэгдсэн юм.
Түүнчлэн Португалийн гэмт хэрэг илрүүлэх тасгийн цагдаа Луис Невезийн хэлснээр олон улсын хувьд ч дарвуулт онгоцоор ийм их хэмжээний мансууруулах бодис тээвэрлэж явсан удаагүй хэмээжээ. Учир нь ийм их хэмжээний мансууруулах бодисыг ихэвчлэн ачаа тээврийн хөлөг онгоцоор тээвэрлэдэг юм.
Тийнхүү хэрэгтнүүд мансууруулах бодисыг 183 даавуун шуудайд хуваан хийж, европ руу гаргахаар явж байжээ. Тэднийг Латин Америкаас, Европ тив рүү тийнхүү удаа дараа мансууруулах бодис тээвэрлэн дамнаж зардаг гэмт бүлэглэлийн гишүүд хэмээн сэжиглэж байгаа гэнэ.
Эх сурвалж: The Reuters