ОХУ-ын Гадаад хэргийн сайд Сергей Лавровын мэдээлснээр ОХУ НАТО-тай хамтарсан дипломат ажиллагаагаа зогсоох болжээ. Түүнчлэн Москва хот дахь НАТО-гийн оффисын ажилчдын итгэмжлэлийг арван-нэгдүгээр сар гэхэд цуцлахаар болсон байна.
Тус шийдвэр нь энэ сарын эхэнд НАТО Оросын 8 дипломатчийг тагнуулч хэмээн тодорхойлж, үүрэгт ажлаас нь чөлөөлсөнтэй холбогдуулан гарч байгаа юм.
Тийнхүү “Хэрэв НАТО-гоос бидэнтэй харилцах яаралтай хэрэг гарвал Бельги улс дахь манай төлөөлөгчидтэй холбогдож болно” хэмээн мэдэгдсэн байна.
ОХУ-аас гаргасан шийдвэрийн хүрээнд НАТО-гийн хэвлэлийн төлөөлөгч Оана Лунгеску, “Бид тэдний гаргасан шийдвэрт харамсаж байна. Манай байгууллагын зүгээс Орос улсад чиглэсэн бодлого тууштай хэвээр байна. Мөн бид НАТО-Оросын консулын газраар дамжуулан хэлэлцээр хийхэд ч бэлэн” хэмээжээ.
Эх сурвалж: BBC