Мягмар гарагт Шинэ Зеланд улсад цар тахал гарснаас хойших хамгийн олон тохиолдол буюу 94 тохиолдол бүртгэгджээ. Шинэ тохиолдлын ихэнх нь Окланд мужид бүртгэгдсэн бол 7 тохиолдол Окланд мужтай ойролцоох Вайкато дүүрэгт бүртгэгдсэн байна.

Ерөнхий сайд Жасинда Ардерны хэлснээр дүрэм зөрчиж байгаа хүмүүс коронавурус тархахад нөлөөлж байна гэсэн бөгөөд шинэ тохиолдол ихэвчлэн залуу хүмүүсийн дунд бүртгэгдэж байгаа хэмээжээ.

Шинэ Зеланд улсын хувьд цар тахал дөнгөж гарахад хөл хөдөлгөөнийг хатуу хорьж, ойрын хавьтлыг яаралтай илрүүлж, вирус тээгчийг даруй тусгаарлах арга хэмжээ авснаар бусад улстай харьцуулахад цар тахлыг хохирол багатай өнгөрүүлсэн билээ. Гэвч дельта хувилбарын тархалт гарахтай зэрэгцэн Шинэ Зеланд улс цар тахлаас сэргийлэх арга барилаа өөрчлөх шийдвэрт хүрсэн юм.

Эх сурвалж: AP News