Дэлхий дахины санааг түгшээж буй уур амьсгалын өөрчлөлтийн нөлөөгөөр 2040 он гэхэд Африк тивийн цөөхөн мөсөн оргилууд бүрмөсөн хайлж үгүй болно гэсэн сэрэмжлүүлэг мэдээ гарчээ.
Орон нутгийн цагаар 19-ний өдөр Ройтерс агентлагийн мэдээлснээр, Дэлхийн цаг уурын байгууллага (WMO)-ын зүгээс саяхан хэвлэгдсэн Африкийн цаг уурын тайлангаар дамжуулан энэхүү таамгийг дэвшүүлсэн байна.
Тус байгууллагын зүгээс хэрэв агаарын температур одоогийн хурдаар өсөх юм бол Танзанийн Килиманжаро уул, Кени улсын Кени, Уганда дахь Рвензори уул гэх мэт Африкийн бүх мөсөн оргил 2040 он гэхэд хайлж алга болно гэж таамаглажээ.
Нэмж дурдахад 2030 он гэхэд нэн ядуу түвшний буюу өдөрт 1.9 ам.доллароос бага орлогоор амьдралаа залгуулдаг хүмүүсийн тоо 118 саяд хүрч, ган зуд, хэт халалт зэрэг байгалийн гамшигт үзэгдлүүдэд ээлж дараалан нэрвэгдэх магадлал улам ихсэн мэргэжилтнүүдийн санааг зовоож буй юм.
Эх сурвалж: MBC