Бүх хөдөлмөр эрхлэгчдээс вакцины гэрчилгээ албадан шаардах журмыг хэрэгжүүлж эхлээд буй Итали улсад тус журмыг зөрчсөн сенаторыг үүрэгт ажлаас нь түр түдгэлзүүлж, сахилгын шийтгэл ногдуулжээ.
Corriere della Sera зэрэг орон нутгийн хэвлэл мэдээллийн хэрэгслээр мэдээлснээр, бие даагч сенатор Лаура Гранато 19-ний өдөр Капитолийн ордонд орохдоо вакцины гэрчилгээгээ үзүүлэхээс татгалзсан тул сенаторын үүрэгт ажлаас арав хоногийн хугацаатай түдгэлзүүлсэн байна.
Тэрээр тухайн үед өөрийн харьяалагддаг Үндсэн хуулийн байнгын хорооны Вакцины гэрчилгээний тухай хуульд нэмэлт өөрчлөлт оруулах тухай хуралд оролцохоор явж байжээ.
Энэ тухай тайланг хүлээн авсны дараа Сенатын Ерөнхийлөгчийн зөвлөл шуурхай хуралдаан хийж, Гранатог үүрэгт ажлаас түр түдгэлзүүлэх болон сахилгын шийтгэл ногдуулах шийдвэр гаргажээ.
Эх сурвалж: SBS