Талибаны Дотоод хэргийн сайдын хэвлэлийн төлөөлөгчийн мэдээлснээр АНУ болоод Афганистаны зэвсэгт хүчинг байлж, амиа золиослон бөмбөг дэлбэлсэн этгээдүүдийн гэр бүлд амины газар олгохоор амлаж байгаа тухай өөрийн Твиттер хуудаснаа жиргэжээ.
Тухай жиргээг нийтлэхээс нэг хоногийн өмнө Дотоод хэргийн сайд Сиражуддин Хаккани өөрийн Твиттер хуудаснаа Исламын жихадын төлөө амь биеэ үл хайхран өөрийгөө амьдаар нь тарчлаасан амиа золиослогчдын гэр бүлийнхэнд 112 ам.доллар, хувцас хэрэглэл өгөхөөр болсон тухай мэдээлээд байсан юм.
Мөн түүний хэвлэлийн төлөөлөгчийн хэлснээр Сиражуддин Хаккани амиа золиослогчдыг “Исламын болоод тус улсын баатар” хэмээн үзэж байгааг ч уламжилсан байна.
Тэдний жиргээг үзсэн гадаадын ажиглагчид Афганистан улсад хэт түрэмгийлэл эргэн газар авч магадгүй гэж болгоомжилсон юм.
Харин АНУ болоод барууны орнууд Талибан бүлэглэл Афганистан улсад терроризм, экстремизмийг дэлгэрүүлэх аваас тэдний засгийн газрыг хууль тогтоох албан ёсны байгууллага гэж хүлээн зөвшөөрөхгүйгээ илэрхийлсэн билээ.
Эх сурвалж: NY Post