Канад улсын ерөнхий сайд Жастин Трюдо пүрэв гарагт Канад улсын нутаг дэвсгэрт, бүх мужийн удирдлагууд вакцины гэрчилгээг аялал жуулчлалын салбарын хүрээнд хэрэглээнд нэвтрүүлэх саналыг дэмжсэн болохыг мэдээлжээ.
Улмаар вакцины гэрчилгээгүй л бол гадаад болоод дотоодын нислэгээр зорчих эрхгүй гэнэ. Тийнхүү гэрчилгээг ирэх сарын 30-ны өдрөөс эхлэн хэрэглээнд нэвтрүүлэх болсон байна.
Вакцины гэрчилгээнд эзэмшигчийн нэр, төрсөн он сар өдөр, коронавирусийн эсрэг вакцин хийлгэсэн түүх, вакциныг хэдний өдөр, хаана, ямар үйлдвэрийн вакцин хийлгэсэн зэрэг мэдээлэл багтсан байх юм. Мөн гэрчилгээнд QR код хавсаргах бөгөөд шаардлагатай тохиолдолд кодыг уншуулан дэлгэрэнгүй мэдээллийг нягтлах ажээ.
Түүнчлэн вакцины гэрчилгээг ухаалгаар шийдэж өгөх ч шийдэл гарсан байна. Ингэснээр иргэн өөрийн гэрчилгээг гар утас, компьютер, цахим хэтэвч зэрэгтээ өөрт ойр авч явах боломж бүрдэх юм.
Эх сурвалж: Yahoo