Хятадын үндэсний эрүүл мэндийн хорооны 23-ны өдөр мэдээлснээр, 22-ны өдөр Хятадад улч дөяар шинэ коронавирусын халдварын 38 шинэ батлагдсан тохиолдол бүртгэгдсэн байна. Бүс нутгаар нь авч үзвэл Ганьсу мужаас 17, Өвөрмонголоос 11, Бээжин хотоос 6, Ниншя мужаас 3 тохиолдол тус тус бүртгэгджээ. Бээжин хотноо батлагдсан тохиолдолууд голдуу Ганьсу муж болон ӨМӨЗО-д зорчиж ирсэн бүлэг аялагчдын дундаас илэрч байгаа талаар мэдэгджээ.
Нийслэл хотноо халдвар тархахаас сэргийлэхийн тулд тус улсын засгийн газар болон Бээжин хотын захиргааны зүгээс гадны иргэдийг Бээжин хотод ирэхэд, эсвэл гадны орнуудаас ирж буй өөрийн орны иргэдийг ч гурван долоо хоногийн турш тусгаарлах байранд байрлуулж хорио цээрийн дэглэм мөрдөж байсны ачаар тус хотод өнгөрөгч 1-р сараас хойш хааяа нэг халдварын ганц, хоёр тохиолдол бүртгэгдэж байсныг эс тооцвол бүрэн хяналтандаа аваад байсан юм. Хятадын эрүүл мэндийн байгууллагууд халдвар авсан нь тогтоогдсон Бээжин хотын Чанпин дүүргийн суурьшлын бүсийг дунд эрсдэлтэй бүс болгон зарлаж, бүх оршин суугчдыг шинжилгээнд хамруулах энгийн хяналтын цэг байгуулжээ.
Бээжингийн Намын нарийн бичгийн дарга Цай Ци хэвлэлийн бага хурлын үеэр хэлэхдээ "Цар тахлын 1 болон 2 дугаар хавьтлыг тогтоохын тулд бид Бээжин даяар тархвар судлалын томоохон судалгаа хийх болно" гэж онцолжээ.
Эх сурвалж: Asian Economy