Дэлхийн хамгийн том газрын тос үйлдвэрлэгч Саудын Араб улс 2060 он гэхэд нүүрсхүчлийн хийг саармагжуулах төлөвлөгөөтэй байгаагаа зарлалаа.
Саудын Арабын угсаа залгамжлах хунтайж Мохаммед бин Салман өчигдөр болсон "Саудын Араб ногоон төлөвлөгөө" арга хэмжээний үеэр "Бид уур амьсгалын өөрчлөлттэй тэмцэх олон улсын хамтын нийгэмлэгийн хүчин чармайлтад нэгдэх болно" гэж мэдэгджээ.
Угсаа залгамжлах хунтайж бин Салман мөн нэмж хэлэхдээ "2030 он гэхэд бид метан хийн ялгарлыг 30 хувиар бууруулж, Эр-Риядыг тогтвортой хот болгохын тулд 450 сая мод тарина" гэв.
Тус улс нь нүүрсхүчлийн хийг 288 сая тонноор бууруулахын тулд жил бүр 186.6 тэрбум долларын хөрөнгө оруулалт хийхээр төлөвлөж байгаа аж.
Эх сурвалж: YTN