Орон нутгийн цагаар 22-ны орой Нигерийн баруун өмнөд хэсгийн Оёо мужид зэвсэгт этгээдүүд шорон руу дайран орж, 800 гаруй хоригдлыг оргуулсан тухай гадаадын хэвлэлүүд мэдээлжээ.
Ингэснээр Нигер улсад он гарсаар гурав дахь удаагаа хоригдлууд олноор оргосон явдал гарч буй нь энэ юм. Халдлага үйлдэгчид тэсрэх бөмбөг ашиглан шоронгийн хашааг дэлбэлсний дараа шорон руу дайран орж, харгалзагчидтай буудалцан хоригдлуудыг оргуулсан байна. Оргосон хоригдлуудын 262 нь баривчлагдаад байгаа ба үлдсэн 575 хоригдол одоог хүртэл сураггүй байгаа гэж хорих ангийнхан мэдэгдэв.
Тус улсын Имо мужид өнгөрөгч 4-р сард ижил төстэй үйл явдал болж, 1800 гаруй хоригдол оргосон бол өнгөрсөн сард Коги мужид мөн 266 хоригдлыг зохион байгуулалттайгаар оргуулах үйл ажиллагаа болсон аж.
Тус улсад гэмт хэргийн бүлэглэлүүд өөрсдийн аюулгүй байдлыг хангах зорилгоор оюутнуудыг олноор нь хулгайлах хэрэг нэлээд гардгийн дээр исламын хэт даврагчид халдлага үйлдэж, үймээн самуун дэгдээх явдал ч цөөнгүй болдог юм.
Эх сурвалж: YTN