Австри улсын канцлер Александер Шалленберг коронавирусийн тохиолдол ийнхүү өссөөр байх аваас вакцинд хамрагдаагүй ард иргэдээ хөл хорионд оруулах эсэх тухай асуудлыг авч үзэхээ мэдэгджээ.
Тэрээр өнгөрөгч баасан гарагт төрийн түвшний удирдагчидтай хийсэн уулзалтынхаа үеэр эрчимт эмчилгээний тасагт эмчлүүлэх иргэдийн тоо 500-д хүрвэл вакцин хийлгэсэн хүмүүсийг үйлчилгээний байгууллагаар чөлөөтэй үйлчлүүлэх эрхийг нь хязгаарлах болно хэмээсэн байна.
Харин эрчимт эмчилгээний тасагт эмчлүүлэх хүмүүсийн тоо 600-д хүрвэл вакцин хийлгээгүй хүмүүс тодорхой хэдхэн шалтгааны улмаас л гэрээсээ гарч болох эрхтэй болох гэнэ.
Одоогийн байдлаар тус улсад коронавирусээр халдварласан хүмүүсээс 220 хүн эрчимт эмчилгээний тасагт эмчлүүлж байгаа юм. Тийнхүү долоо хоногт бүртгэгдэх дундаж тохиолдол нь 2869 байгаа ажээ.
Австри улсын хувьд нийт хүн амын ердөө 65 хувь нь вакцины нэгдүгээр тунд хамрагдсан бөгөөд 62 хувь нь вакциндаа бүрэн хамрагдсан байна.
Эх сурвалж: The Hill