Итали улсад гэртээ хорих ял эдэлж суусан эр өөрийг нь шоронд хорьж өгөхийг хүсжээ. Ингэснээр тэр өөрийн эхнэрээсээ холдож чадах гэнэ.

Тэрээр Италийн нэгэн сонинд өгсөн ярилцлагадаа, “Би үүнийг тэвчиж чадахгүй нь. Шорон гэрээс маань хавь илүү байх байсан” хэмээсэн байна.

Тэгвэл түүний амьдран суудаг бүсийг хариуцсан албаныхны мэдээлснээр өдгөө 30 настай, Албани улсын иргэн тэр эр эхнэртэй нь албадан хамт амьдруулахыг тэвчиж чадахгүй гэдгээ уламжилсан гэнэ. Тиймээс тэр гэрээсээ оргох гэж оролдон, өөрийг нь шоронд хийж өгөхийг удаа дараа хүссэн ажээ.

Мансууруулах бодисын хэргээр ял эдэлж буй тэрээр тийнхүү гэрийн хорионы дэглэм зөрчсөн тул шоронд хүргэгдсэн байна. Одоогоор цагдаагийнхан түүний гэрт яг ямар асуудал тулгардаг болохыг бүрэн тодруулаагүй байгаа ч залуу эхнэрээсээ хол амьдрах болсондоо баяртай байгаа гэнэ.

Эх сурвалж: Business Insider