Австри улсын холбооны засгийн газраас хүнд өвчтэй насанд хүрэгчдийг бусдын тусламжтайгаар амиа хорлох үйлийг хуулиар зөвшөөрөх тухай төслийг өргөн барьсан болохыг холбооны канцлер бямба гарагт мэдээлжээ.
Улмаар шинэ хуулийн хүрээнд ирээдүйд бусдын тусламжтайгаар амиа хорлох үйл нь хуулиар зөвшөөрөгдөж, тухайн үйлд тусалсан этгээдэд ямар нэг ял шийтгэл оноохгүй юм. Тодруулбал, өнгөрөгч арван хоёрдугаар сард Австрийн үндсэн хуулийн шүүхээс бусдын тусламжтай амиа хорлохыг хориглох нь хүний үхэх эрхэнд халдаж байгаа хэрэг гэж тодорхойлсон байна.
Түүнчлэн холбооны канцлер ч дээрх сэдвийн хүрээнд, “Хүнд өвчтэй хүмүүс бусдын тусламжтай амиа хорлох боломжоор хангагдах эрхтэй” хэмээжээ.
Шинэ хууль батлагдах аваас архаг өвчтэй, амьдрахад багахан хугацаа үлдсэн хүмүүс өөрсдийн хүсэлтээр, бусдын тусламжтайгаар амиа хорлож болох юм.
Үхэх эрхийн хүрээнд ийнхүү улс орнууд өөрсдийн хүрээнд арга хэмжээ авч байгаа бөгөөд энэ оны эхэнд л гэхэд Испани улс эвтаназийг хуулиар зөвшөөрснөөр үхэх эрхийг хүндэтгэсэн европын дөрөв дэх улс болсон байна.
Энэ тухай яриа өнгөрөгч баасан гарагт Их Британи улсын парламентад ч өрнөсөн хэдий ч хууль болж батлагдталаа мөдгүй хэмээжээ.
Эх сурвалж: CNN