БНХАУ-ын зүүн хэсгээр байрлах Жэжян муж 3-аас дээш насныханд коронавирусийн эсрэг вакциныг хийх болжээ.

Тус мужийн эрүүл мэндийн комиссын ахлах Сиа Шичаны хэлснээр тус муж нь коронавирусийн эсрэг вакцинжуулалтын хөтөлбөрийнхөө хамрах хүрээг тэлж 3-11 насныханд ч вакцин хийх болсон гэнэ. Тухайн шийдвэр гарахаас өмнө вакциныг зөвхөн 12 болон түүнээс дээш насныханд хийж байсан юм.

Тийнхүү тус мужийн эрүүл мэндийн комисс, улсын өвчнөөс хамгаалах, урьдчилан сэргийлэх төвтэй зөвлөлдөж, дээрх шийдвэрийг гаргасан байна.

Улмаар тэдний мэдээлж байгаагаар арван-нэгдүгээр сарын 20-ны дотор эхний тунг хийж дуусгах бөгөөд дараагийн тунг арван-хоёрдугаар сарын 20-ны дотор хийж, ард иргэдээ вакцинд бүрэн хамруулахаар төлөвлөсөн гэнэ.

Эх сурвалж: Xinhua