Габричевийн микро-биологи, эпидемиологи судлалын хүрээлэнгийн эмнэлзүйн судалгаа эрхэлсэн дэд захирал Татьяна Рузенцовагийн пүрэв гарагт мэдээлснээр коронавирус нь үс унаж, наснаасаа эрт халзрах шалтгаан болдог байж болзошгүй хэмээжээ.
Түүний хэлснээр, “Коронавируст цар тахлаар халдварлахад хүний цус өтгөрч, цусан хангамжийн үйл ажиллагаа доголдож, дотоод шүүрлийн системийн үйл ажиллагаа алдагддаг. Үүнээс үүдэн коронаиурсээр халдварласан хүний үс унадаг байх боломжтой” гэсэн байна.
Улмаар коронавирус нь хүний дотоод эрхтэн тогтолцоог ноцтой доголдуулж байдаг тул хэдий вирусээр халдварлаад эдгэсэн ч нөхөн сэргээх зорилго бүхий эмчилгээнд хамрагдах ёстой гэнэ.
Түүнчлэн, “Шинж тэмдэг хөнгөн илэрч байгаа хүмүүс зарим тохиолдолд эмнэлгийн тусламж авахгүй өнгөрч, эсхүл бүр биеийн байдлаа дордтол хүлээж байж эмнэлэгт хандах тохиолдол их байна. Ингэснээр коронавирусийн дараах синдром үүсэж болно. Улмаар хүн хэдий их шинж тэмдэгтэй өвдөнө, төдий чинээ урт хугацаагаар коронавирусийн дараах синдромоор шанална” хэмээжээ.
Эх сурвалж: ТАСС