Их Британи улсын мэргэжилтнүүдийн судалснаар вакциндаа бүрэн хамрагдсан хүмүүс ч коронавирусээр халдварлаж байгаа бөгөөд тэдгээр хүмүүс вирусийг вакцин хийлгээгүй гэр бүлийн гишүүддээ дамжуулж байгаа ажээ.
Тэдний хэлж байгаагаар вакцин хийлгэсэн хүмүүс вирус тараахын хувьд вакцин хийлгээгүй хүмүүстэй яг ижил түвшинд аюул дагуулж байдаг гэнэ.
Улмаар хувь хүн өөрөө ямар ч шинж тэмдэггүй, эсвэл цөөн шинж тэмдэгтэй, вирус түүний аминд хүрэхээр их аюул дагуулаагүй байсан ч гэр бүлийн гишүүндээ вирус тараах магадлал 38 хувьтай юм. Харин гэр бүлийн гишүүн нь вакцинд бүрэн хамрагдсан байх аваас тус магадлал 25 хувь хүртэл буурч байгаа ажээ.
Тус судалгааны хүрээнд гаргасан дүгнэлт нь хүн бүр вакцинд хамрагдсанаар эрсдэлийг эрс бууруулах гэнэ.
Хэдийгээр вакцин ард иргэдийн төсөөлсөн шиг вирусийг тэр чигт нь үгүй хийж чадахгүй ч вирусээр халдварлаад эмнэлэгт хэвтэх, амиа алдах эрсдэлээс сэргийлж байгааг мэргэжилтнүүд онцолсон байна.
Эх сурвалж: BBC