ОХУ-ын зүүн хэсэгт орших Сибирьт Беларусийн ачааны онгоц осолдож, онгоцонд явсан бүх хүн амь үрэгджээ.
ОХУ-ын Онцгой байдлын яамнаас мэдээлснээр Якутскаас Эрхүү хот руу нисч явсан "Антонов-12" ачааны хөлөг онгоц орон нутгийн цагаар 14:50 цагт радараас алга болсноос хойш осолдсон байна.
Беларусийн Гродно агаарын тээврийн компанийн ачааны уг онгоцонд багийн таван гишүүн, хоёр зорчигч явж байжээ.
Онгоц Эрхүү хотын нисэх онгоцны буудалд буух гэж оролдсон хэдий ч амжилтгүй болсон аж. Ийнхүү тэд дахин газардах оролдлого хийх явцдаа осолдсон гэжээ. Онгоц осолдохоосоо өмнө галд автсан байсан гэж орон нутгийн хэвлэлүүд мэдээлжээ.
Эх сурвалж: YTN