Японы засгийн газар ирэх оны хичээлийн шинэ жил эхлэхээс өмнө 18-аас доош насны бүх иргэддээ 100.000 иен буюу 880 ам.долларын мөнгөн тэтгэмж олгохоор болжээ. Ёмиури Шимбун сонины 5-ны өдөр мэдээлснээр, Японы засгийн газар болон эрх баригч нам цар тахлын үед ард иргэддээ дэмжлэг болгон бүх хүүхэд, өсвөр үеийнхэнд 100 мянган иен бэлнээр олгохоор тохиролцсон байна.
Энэхүү тэтгэмжийг 0 настай нярайгаас эхлэн ахлах сургуулийн төгсөх 12-р ангийн бүх сурагчдад олгох ба сургуульд сурдаггүй байсан ч хамрагдах боломжтой гэжээ. Тэтгэмж авах зорилтот бүлэгт 20 сая орчим хүүхэд багтаж байгаа ба 2 их наяд орчим иен төсөвлөгдөх төлөвтэй байна. Өнгөрсөн оны 4-р сард Абэгийн засгийн газраас олгосон 100,000 иенийн үндэсний гамшгийн тусламжийн ихэнх хэсэг нь хадгаламж хэлбэрээр иргэдэд хүрснээс, эдийн засгийг идэвхжүүлэх үр нөлөө хангалтгүй байсан гэж үзэн энэхүү шийдвэрийг гаргасан гэжээ.
Фумио Кишидагийн засгийн газрын зүгээс эрх баригч эвсэл, Либерал ардчилсан нам, Гунмён намын сонгуулийн бүх амлалтыг тусгаж энэ сарын 19-ний өдөр шийдвэрлэх эдийн засгийн томоохон бодлогын хүрээнд “18-аас доош насны бүх иргэдэд 100,000 иенийн мөнгөн тусламж үзүүлэх төлөвлөгөө”-г эцэслэн шийдвэрлэх аж.
Мөн Японы засгийн газрын зүгээс бэлэн мөнгө хэлбэрээр ашиглах боломжтой 30,000 иентэй тэнцэх оноог японд оршин суух зөвшөөрлийн “My Number” карт эзэмшигч бүрт олгоход 3 их наяд иений зарцуулахаар дээрх бодлогод мөн тусгах төлөвлөгөөтэй байгаа аж.
Эх сурвалж: Chosun