Монголын иргэн бүрд ажлын байр! уриатай Zangia.mn, "Гэр хорооллыг хөгжүүлэх хөрөнгө оруулалтыг дэмжих хөтөлбөр" төсөл, Германы хамтын ажиллагааны нийгэмлэгтэй хамтран АЖИЛД ЗУУЧЛАХ НЭЭЛТТЭЙ ӨДӨРЛӨГ-ийг амжилттай зохион байгууллаа.

Өдөрлөг нь Чингэлтэй, Сүхбаатар дүүргийн гэр хорооллын иргэдэд илүү ойртож, Чингэлтэй дүүргийн 18-р хороон дахь “Нийслэлийн Жижиг дунд үйлдвэрлэл үйлчилгээний хөгжлийн төв”-ийн байранд зохион байгуулагдсанаараа онцлогтой болсон юм.

Өдөрлөгт Zangia.mn, Номин Холдинг, Монкон Групп, Моннидер ХХК, Хулан Уул ХХК, CU, Сод Монгол Групп, Грийн Групп зэрэг 20 орчим байгууллага, МСҮТ, Хөдөлмөр зуучлалын хэлтсүүд оролцож, нийт 400 гаруй иргэн хүрэлцэн ирсэн.

Хүрэлцэн ирсэн иргэд ажилд орохыг хүссэн байгууллагынхаа хүний нөөцийн ажилтантай шууд уулзахаас гадна Zangia.mn-нд бүртгүүлэх, ажлын байранд анкетаа илгээх заавар зөвлөгөөг авч сэтгэгдэл өндөр байлаа.

Zangia.mn-ий зүгээс төслийн зохион байгуулагч нартай хамтран тус өдөрлөгийг бусад дүүрэгт ч зохион байгуулахаар төлөвлөөд байгаа юм.