Лхагва гарагт ОХУ-ын дэд сайд Татьяна Голиковагийн мэдээлснээр коронавирусээр халдварласан өвчтөнүүдэд зориулж дэлгэсэн эмнэлгийн орнуудын 83 хувь нь ашиглалтад байгаа гэнэ.
Сүүлийн өдрүүдэд ОХУ-д коронавирусийн шинэ тохиолдлын тоо өдөр бүр өсөж, амиа алдах хүмүүсийн тоо ч нэмэгдэх болсон юм. Тийнхүү эрүүл мэндийн яамнаас онцгой нөхцөлд хэрэглэхээр 370 мянган ор бэлдээд байснаас одоогоор 82,8 хувийн дүүргэлттэй байгаа ажээ.
Лхагва гарагт гэхэд ОХУ-д 38058 шинэ тохиолдол, 1239 эндэгдэл бүртгэгдсэн байна.
Хэдийгээр тус улсын эрдэмтэд вакцин бүтээж, олноор үйлдвэрлэж байгаа ч ард иргэдийн вакциндаа хамрагдах идэвх тун сул байгаа юм. Улмаар вакцинжуулалт эхлээд өдгөө бараг найман сарын нүүрийг үзэж байгаа ч ард иргэдийн ердөө 40 хүрэхгүй хувь нь вакциндаа бүрэн хамрагджээ.
Эх сурвалж: ABC News