БНХАУ-ын дарга Ши Жиньпин ирэх долоо хоногт АНУ-ын Ерөнхийлөгч Жо Байдентай хийх дээд хэмжээний цахим уулзалтын үеэр ирэх оны хоёрдугаар сард болох Бээжингийн өвлийн олимпод түүнийг урих магадлалтай хэмээн орон нутгийн цагаар 11-ний өдөр АНУ-ын бизнес мэдээллийн CNBC суваг ойрын 2 сурвалжаас иш татан мэдээлэв.
Эх сурвалжуудийн мэдээлснээр, Ши Жиньпин ирэх долоо хоногт болох АНУ-Хятадын анхны дээд хэмжээний уулзалтын үеэр Байденыг Бээжингийн олимпод өөрийн биеэр урих төлөвлөгөө гаргасан байх магадлалтай гэжээ.
Хэрэв үнэхээр Ерөнхийлөгч Байденыг урьсан тохиолдолд түүний хувьд толгойны өвчин болно гэж CNBC суваг таамаглаж байна. Учир нь урилгыг хүлээж авахаас татгалзвал хоёр орны харилцааг хөргөх бас нэгэн хүчин зүйл болж болзошгүй билээ. Хэрвээ эсрэгээр тус урилгыг хүлээж авбал Байдены засаг захиргаа ардчилал, хүний эрхийг чухалчилдаг үндсэн бодлоготой нь зөрчилдөх юм.
Тодруулбал, “Их 7”-ийн улс орнууд Бээжингийн олимпод тамирчидаа оролцуулах хэдий ч удирдагчид нь оролцохгүй байх “дипломат бойкот”-ын талаар хэлэлцэж байгаа энэ үед нөхцөл байдал илүү ээдрээтэй болж болзошгүй байна хэмээн CNBC суваг онцлов.
Цагаан ордон болон Үндэсний аюулгүй байдлын зөвлөл (ҮАБЗ) энэ талаар ямар нэгэн тайлбар хийгээгүй байна гэж тус мэдээнд мөн дурджээ.
Эх сурвалж: Yonhap