Английн хатан хаан хоёрдугаар Элизабет эрүүл мэндийн шалтгааны улмаас ням гарагт зохион байгуулагдсан дурсгалын ёслолд оролцож чадсангүй. Улмаар Кембриджийн гүнгийн авхай дурсгалын ёслолд хатан хааны орыг залган оролцсон байна.
Гүнгийн авхай Кэйт Миддлтон хатан хааны зогсдог тагтан дээр Корнвэллийн гүнгийн авхай Камилла, Уессексийн гүнгийн авхай Софи нарын хамтаар зогсож, ёслолд хүндэтгэл үзүүлэн оролцсон юм. Харин ханхүү Чарльз, ханхүү Уиллам, гүнж Анне нар Синотапт цэрэг өргөжээ.
Хэвлэлийнхний мэдээлж байгаагаар хатан хааны нуруу татаж, өвдсөн тул тэрээр ёслол эхлэхээс хоёр цагийн өмнө оролцож чадахгүйгээ уламжилсан гэнэ.
Ойрын үед Английн хатан хааны биеийн байдал тун базаахгүй байгаа бөгөөд хэд хэдэн том арга хэмжээг алгасаад байгаа юм.
Эх сурвалж: Insider