Apple компанийн зүгээс худалдаанд гараад удаагүй байгаа iPhone 13 загварын утасныхаа царай таних системийн хүрээнд сайжруулалт хийхээ амлажээ. Учир нь тухайн загварын утасны дэлгэц тусгай төрлийн чиптэй холбоотой байдаг юм. Тиймээс утасны дэлгэц эвдэрсэн тохиолдолд програм хангамжийн тусгай төхөөрөмж ашиглан засварлаж байж сая нэг царай таних систем хэвийн ажилладаг гэнэ.
Энэ нь хэрэглэгчийн утас эвдэрсэн үед заавал Apple компанийн харьяа засварын газарт хандах нөхцөлийг бүрдүүлдэг юм. Улмаар Apple компанийн зүгээс хэрэглэгчдэдээ хүндрэл учруулж байгаагаа ухамсарлаж, энэхүү асуудлыг шийдвэрлэхээ амласан байна.
Тэд програмчлалын түвшинд сайжруулалт хийнэ хэмээн хэлсэн ч яг хэдий хугацаанд тухайн асуудлыг шийдвэрлэхээ тодорхой мэдэгдээгүй юм.
Эх сурвалж: BBC