БНЭУ-ын Дээд шүүхээс улсын нийслэл Шинэ Дели хотноо хөл хорио тогтоохыг шаарджээ. Гэвч энэ хөл хорио нь бусад улс орон шиг коронавирусийн цар тахалтай холбоогүй юм.
Улмаар тус улсын агаарын бохирдол эрүүл мэндэд хортой хэмжээнд хүрсэн учир хөл хорио тогтоох арга хэмжээг авахыг хүссэн байна.
Тийнхүү даваа гарагт шүүхээс онц шаардлагагүй бүх л хөдөлгөөнийг зогсоохыг тушааж, тухайн бүсэд байх бүх л албан байгууллагыг хаахыг үүрэгдсэн юм. Гэсэн ч одоогийн байдлаар хөл хориог хэзээнээс эхлэн хэрэгжүүлж, хэдий хүртэл тогтоох нь тодорхойгүй байгаа ажээ.
Жил бүрийн энэ үед Энэтхэг улсын агаарын чанар эрс мууддаг бөгөөд энэ нь үйлдвэр болоод авто тээврээс ялгарах нүүрсхүчлийн хий, ургац хураасны дараагаар тариалангийн талбайг шатаадагтай холбоотой юм.
Эх сурвалж: NPR