Microsoft бренд өнгөрөгч долоо хоногт Xbox Series console буюу видео тоглоом тоглуулагч төхөөрөмж, удирдлагыг худалдаанд гаргасны нэг жилийн ойгоо тэмдэглэсэн билээ.
Тэгвэл Gucci брендийн зүгээс Microsoft компанитай хамтран 10000 ам.долларын үнэ бүхий цөөн тооны Xbox-ыг худалдаанд гаргажээ. Тодруулбал, Gucci x Xbox console худалдаанд ердөө 100 ширхгээр гарсан юм.
Xbox Series-ийн удирдлага л гэхэд уламжлалт Gucci Ромби загвартай бөгөөд улаан, цэнхэр хоёр зураасаар чимэглэгджээ. Тансаг зэрэглэлийн Xbox Series console энэ сарын 17-ны өдрөөс худалдаанд гарах ч харамсалтай нь цөөн хэдхэн дэлгүүрт л худалдаалагдах юм.
Эх сурвалж: Cnet