Өнөө цагийн дэлхийн хамгийн хүчирхэг криптовалют болох Биткойн сүүлийн дөрвөн жилд анх удаа шинэчлэн сайжруулалт хийж сүлжээндээ ямар нэгэн дундын брокергүйгээр гүйлгээ хийх боломжтой “ухаалаг гэрээ”-г үйл ажиллагаандаа нэвтрүүлснээр тус койны гүйлгээ улам идэвхжих хандлагатай байна.
CNBC сувгийн орон нутгийн цагаар 15-ны өдөр мэдээлснээр, Биткойны сүлжээ хэсэгчлэн шинэчлэгдсэн нь гүйлгээг илүү найдвартай, үр ашигтай болгосон талаар онцолжээ.
Энэхүү шинэчлэлт нь Биткойноор ямар нэг гүйлгээ хийхэд хурууны хээ шиг үлддэг "тоон гарын үсэг"-ийг нэвтрүүлсэнтэй холбоотой бөгөөд уг үйлчилгээ нь гарын үсгийн уламжлалт аргуудаас илүү нууцлал өндөртэй, найдвартай тул гүйлгээ хийж буй хүн болон эзэмшигчидэд давуу талтай юм.
Уг тоон гарын үсэг зурах шинэ үйлчилгээний хувийн хамгаалалтыг илүү сайжруулснаар дундын брокергүйгээр явагдах “ухаалаг гэрээ”-ний төлбөр багасч, өөр олон боломжууд нээгдэх болно хэмээн CNBC суваг таамаглажээ.
Эх сурвалж: MBC