Серби улсын ерөнхийлөгч Александер Вучич ирэх 10 жилийн хугацаанд ОХУ-аас жил бүр 3 тэрбум куб метр байгалийн хий худалдаж авах асуудлыг авч үзэж байгаагаа мэдэгджээ.
Түүний хэлснээр, “Бид урт хугацааны гэрээнийхээ хүрээнд куб метр нь 900 ам.доллароор худалдаалагдаж байгаа хийг 270 ам.доллароор худалдан авч байна. Одоогийн байдлаар бидэнд 161 сая куб метр байгалийн хийн нөөц байгаа. Гэхдээ бид ирэх 10 жилийн хугацаанд манай улсад жил бүр 3 тэрбум куб метр байгалийн хий нийлүүлэх саналыг ерөнхийлөгч Путинд хүргэхээр зэхэж байна” хэмээсэн юм.
Энэ оны нэгдүгээр сарын нэгний өдрөөс эхлэн Серби улс Балканы уурын шугамыг ашиглалтад оруулснаар ОХУ-аас байгалийн хий хүлээн авах боломжтой болсон юм. Тэд хийн шугамыг Турк улсын хийн шугамаас сунган татсан бөгөөд нийт 403 километрийн урттай тус шугам жилд 13.9 тэрбум куб метр байгалийн хий дамжуулах хүчин чадалтай ажээ.
Тийнхүү байгалийн хийн асуудал болоод бусад асуудлын хүрээнд Серби, Орос улсын ерөнхийлөгч нар энэ сарын 25-нд уулзах гэнэ.
Эх сурвалж: ТАСС