Хятадын дэд сайд асан Жан Гаолид хүчиндүүлсэн гэж мэдэгдээд байсан Пен Шуайн бичсэн цахим шууданг CGTN агентлаг олонд дэлгэжээ. Гэвч түүний шууданг үзсэн хүмүүсийн зүгээс тамирчны аюулгүй байдалд санаа зовниж буйгаа илэрхийлээд байгаа юм.
Учир нь Пен Шуай энэ сарын эхэнд Вэйбо хуудаснаа Хятадын дэд сайд асан Жан Гаоли өөрийг нь хүчирхийлсэн гэж мэдэгдсэнээс хойш олон нийтийн өмнө үзэгдээгүй ажээ.
Тийнхүү сураг тасарснаас хойш анх удаа буюу энэ лхагва гарагт CGTN агентлагаас түүний бичсэн гэх цахим шууданг нийтэд дэлгэсэн юм. Тус шууданд Пен Шуай, “Бүх зүйл хэвийн байгаа бөгөөд сүүлийн өдрүүдэд би ердөө л гэртээ амарч байлаа” хэмээж, дэд сайдын тухай хийсэн мэдэгдэл нь худал байсан гэдгийг дурджээ.
Гэсэн ч олон нийтийн зүгээс шууданг Пен Шуай бичээгүй, бичсэн ч хэн нэгний нөлөөтэй гэж хардах болсон байна. Улмаар Эмэгтэйчүүдийн газрын теннисний холбооны тэргүүн Стив Саймоны мэдэгдсэнээр тухайн цахим шууданг хатагтай Пен бичсэн гэдэгт итгэхэд тун бэрх байна гэсэн байна. Тэрээр, “Энэхүү шууданг Пен Шуай өөрөө бичсэн гэдэгт итгэхэд тун бэрх юм. Эмэгтэйчүүдийн газрын теннисний холбоо болон дэлхий дахин түүнийг аюулгүй байгааг гэдгийг баттай мэдэх эрхтэй” хэмээжээ.
Эх сурвалж: BBC