АНУ-д хөдөлмөр эрхлэгчид ажлаасаа гарах нь олширч, хүний нөөцийн салбарын удирдлагууд цалин нэмэх, амралт, урамшуулал санал болгох зэргээр бүхий л аргаа хэрэглэж байгаа билээ. Тэгвэл судалгаагаар хөдөлмөр эрхлэгчид нэмэлт цалин, урамшууллаас илүүтэй ажлын өдрийг дөрөв болгохыг хүсэж байгаа нь тогтоогджээ.

Тодруулбал, Жеффэрийс гэх санхүүгийн фирм ажлаасаа гарсан 22-35 насны америкчуудыг судалгаанд хамруулсан юм. Судалгаагаар оролцогчдын 43 хувь нь цалин ахиу байсан бол ажлаасаа гарахгүй байх байсан гэсэн бол гуравны хоёр нь долоо хоног ажлын 4 өдөртэй байсан бол ажлаасаа гарахгүй байх байсан хэмээжээ.

Түүнчлэн судалгаанд оролцогсдын нийт 80 хувь нь ажлын өдрийг дөрөв болгох санааг дэмжсэн байна.

Эх сурвалж: CNN