БНХАУ-ын Гуйжоу мужаас ОХУ-ын Москва хот хүрэх чиглэлд шууд галт тэрэг явдаг боллоо. Тийнхүү пүрэв гарагт шинэ чиглэлд анхны галт тэрэг хөдөлсөн байна. Тус галт тэрэг ирэх сарын 3-ны өдөр Москва хотод хүрэх ажээ.
Синьхуа агентлагаас мэдээлж байгаагаар галт тэрэг нийт 50 чингэлэгтэй бөгөөд цахилгаан бараа, керамик, гитар зэргийг тээвэрлэж яваа юм. Бараануудыг Москва хотоос цааш Европын хотууд руу хүргэх гэнэ.
Шинэ чиглэл нь дундаа ямар ч дамжин явах цэггүй бөгөөд тус чиглэлийг нэмснээр ачаа тээврийн үйлчилгээ хөлөг онгоцоор хийх тээвэртэй харьцуулахад 15 хоног хэмнэх юм.
Эх сурвалж: ТАСС