Та дуу сонсохын хажуугаар Гүүгл орж, дууны шүлгийг нь хайхаас залхуурч байв уу? Тэгвэл бидэнд танд дуулгах нэгэн таатай мэдээ байна.
“Spotify” хөгжим тоглуулагч платформ дууны шүлгийг харуулдаг боллоо. Тийнхүү дэлхий даяар тус платформыг хэрэглэгчид хүссэн дуугаа сонсохын хажуугаар шүлгийг нь уншаад суух боломжтой болжээ.
Энэхүү нэмэлтийг Spotify хэрэглэгчид удаан хүлээсэн бөгөөд цөөн хэдэн улсад л хүлээн авах боломжтой байсан бол өдгөө дэлхийн хаанаас ч, ямар ч төхөөрөмжөөр нэвтэрч байгаагаас үл хамааран дуртай дуугаа сонсонгоо шүлгийг нь хараад сууж болох болсон юм.
Энэ тухай мэдээллийг Spotify платформын албан ёсны Твиттер хаягаас хүргэсэн байна. Тэдний хэлснээр, Musixmatch хэмээх платформтой хамтран дээрх нэмэлтийг гаргаж байгаа ажээ.
Эх сурвалж: USA Today