Орон нутгийн цагаар 19-ний өдөр цахилгаан автомашин үйлдвэрлэгч Тесла компанийн аппликейшн серверийн асуудлаас болж хэсэг хугацаанд ажиллаагүйгээс үүдэн дэлхийн өнцөг булан бүрээс хэрэглэгчид машинаа асааж чадахгүйд хүрсэн гэх мэдээлэл иржээ.
Франсс-Пресс болон Ройтерс агентлагуудын мэдээлснээр, тус компанийн автомашинуудыг түлхүүргүй үед ч аппликейшнаараа дамжуулан асаах боломжтой байдаг хэдий ч тус өдөр Теслагийн олон хэрэглэгч багагүй хугацаанд уг аппликейшн руу нэвтэрч чадалгүй дээрх хүндрэл учирчээ. Энэ асуудал АНУ, Канад, Дани, Герман зэрэг дэлхий даяар бүртгэгдсэн байна.
Олон нийтийн сүлжээгээр энэ тухай сөрөг сэтгэгдэлүүд олноор бичигдсэний дараа Tesla компанийн гүйцэтгэх захирал Элон Маскын зүгээс сүлжээний ачаалал ихэссэнтэй холбоотой асуудал үүссэн бололтой хэмээн уучлалт хүсээд "Бид ийм асуудал дахин гаргахгүйн тулд арга хэмжээ авна" гэж мэдэгджээ.
Эх сурвалж: YTN