АНУ-ын машин үйлдвэрлэгч томоохон компаниуд болох Женерал Моторс, Форд, Стеллантис нар мягмар гарагт хамтарсан мэдэгдэл хийжээ. Мэдэгдлийн хүрээнд тэд ажилчдаа заавал вакцинд хамрагд гэж шаардахгүй гэдгээ хэлсэн байна.
Тийнхүү тэдгээр компани болоод Автомашины салбарт ажиллагсдын нэгдсэн холбооноос ажилчдыг вакцинд хамрагдахыг шаардахын оронд ажлын байран дээр амны хаалт зүүхийг л шаардах болно хэмээжээ.
Мөн тэдний зүгээс хүн бүрийг вакциндаа хамрагдаасай гэж хүсэх ч хувь хүний эрхийг хүндэтгэж, заавал хийлгэ гэж тулгахгүй гэдгээ уламжилсан юм.
Гэсэн хэдий ч Байдены засгийн газраас 100 болон түүнээс дээш ажилтантай албан байгууллагыг вакцины гэрчилгээ нэвтрүүлэхийг хүсэж байгаа бөгөөд хэрэв вакцины гэрчилгээг нэвтрүүлэхгүй болбоос долоо хоног бүр коронавирусийн шинжилгээ авах ёстой гэжээ. Улмаар дээрх журам ирэх сарын 5-наас хэрэгжих ажээ.
Эх сурвалж: The Hills